Шкул ачисен чăваш чĕлхипе литературине тата тăван ен культурине вĕренес кăмăлне çĕклес, вĕсене шыравпа тĕпчев ĕçне явăçтарас тата пултаруллă ачасене тупса палăртас тĕллевпе 2020 çулхи чÿк (ноябрь) уйăхĕн 25-мĕшĕнче район шкул ачисемпе Чăваш тĕррин кунне халалланă „Чăваш тĕррин асамлă тĕнчи” онлайн-тест иртрĕ. Онлайн-теста Вăтакас Кипеч вăтам шкулĕнчи 5-6 классенче вĕренекесем те хастар хутшăнчĕç.  

     2020-мĕш çулхи чÿк (ноябрь) уйăхĕн 27-мĕшĕнче район шкул ачисен Çеçпĕл Мишшине, чăваш литературин классикне, чăваш сăвăçине, пирĕн ентешĕмĕре, халалланă „Çеçпĕл Мишши--çĕн ĕмĕр чăвашĕ” онлайн-викторина иртрĕ. Онлайн-викторинăна 7-8 классенчи маттурсем хутшăнчĕç. Викторина тата тест куçăмсăр мелпе иртрĕç.  Кашни ача викторинăна хутшăннине çирĕплетекен электронлă сертификата тивĕçлĕ пулчĕ. Маттур, ачасем! Малашне те ăнăçу пултăр!

     Егорова Т.А.