Кашни халăхăн хăйĕн мухтавлă çыннисем пур. Вĕсемпе эпир тивĕçлипе мăнаçланатпăр, ытти халăх çыннисемпе тĕл пулсан: „ Пирĕнтен çавă-çавă тухнă”,- тетпĕр.

     Чăваш халăхĕн паллă çыннисен списокĕ тем вăрăмăш. Халăх культурине, литературине, искусствине çĕклеме вăй хунă çынсем хушшине С.М.Михайлова кĕртетпĕр.

    С.М.Михайлов - чăвашсемпе çармăссен паллă çыравçи, этнографĕ, фольклорисчĕ, историкĕ. Вăл тăван халăха ытти халăхсемпе тан тăвассишĕн, унăн культурине хăпартассишĕн, ăна çутта кăларассишĕн, унăн литературипе ÿнерне аталантарассишĕн нумай вăй хунă.

      Раштав уйăхĕнче чăвашсен пĕрремĕш историкĕ, этнографĕ çуралнăранпа 200 çул çитет. Аслă классенче вĕренекенсем унăн пултарулăхĕпе, ĕçĕсемпе паллашрĕç, бюллетень, кроссворд, пуçватмăш хатĕрлерĕç.

     Пирĕншĕн вăл çутă пайăрки, ырă тĕслĕх пулса тăрать. Спиридон Михайлов пек таса чунлă, ырă кăмăллă, ĕçчен, пултаруллă пуласчĕ.

      Егорова Т.А.